VII CERTAME DE ARTES PLÁSTICAS DA DEPUTACIÓN DE OURENSE

Se es artista e tes entre 18 e 35 anos, podes apuntarte ao Certame de Artes Plásticas da Deputación de Ourense, que se convoca bienalmente. A actual é a XVII Edición, coa que a Deputación quere premiar o talento de mozos creadores con premios en metálico e a difusión das obras seleccionadas mediante exposición e a publicación do correspondente catálogo.

O premio abrangue as modalidades de pintura, escultura, gravado e calquera outro tipo de expresión artística como vídeo, arte dixital, etc. A temática será libre e cada participante poderá presentar un máximo de dúas obras, aínda que pertenzan a distintas modalidades.

A exposición cos traballos premiados e seleccionados realízase no mes de setembro, no Centro Cultural Marcos Valcárcel. A dotación dos premios é de un total de 12.000 euros: 5.000 euros para o primeiro premio, 3.000 euros para o segundo premio e 2.000 euros para o terceiro; concédense tamén dous accésits de 1000 euros cada un, aos que o xurado poderá engadir accésits honoríficos.

O prazo límite de presentación das obras é o día 11 de xuño de 2023

As obras inscribiranse en formato on line, a través da plataforma.