Escola de Artes e Oficios da Deputación

A Escola de Artes e Oficios da Deputación ten unha longa historia, que supera amplamente o século de vida. Neste periodo pasou por diferentes vicisitudes e hoxe está asentada nuns locais propiedade da Deputación, na rúa da Canle nº4, a carón do Auditorio de Ourense.

Con 270 alumnos, na escola impártense as disciplinas de debuxo e pintura, modelado en barro (escultura en barro), talla de madeira (escultura en madeira) e oleiría.

O calendario do curso escolar adáptase ao calendario oficial e os alumnos teñen clases diarias, de 16:00 a 21:00 horas en cada unha das disciplinas.

Establécese un prezo público de 75€ en concepto de matrícula. No caso de varios membros da mesma unidade familiar, o primeiro membro pagaría o total da matrícula e os seguintes, 25€ cada un deles. Destes pagos están exentas as persoas en situación de desemprego ou aqueles que teñan algún tipo de discapacidade. Tamén mantemos unha liña de colaboración con alumnos con síndrome de Down.

A Deputación provincial de Ourense é a única deputación galega que segue a manter este tipo de escolas, ao enteder que a educación forma parte sustancial da vida das persoas.

CADRO DE PROFESORES

Debuxo e pintura: María Pinal Trashorras

Modelado en barro: Iris Blanco Suarez

Talla de madeira: Luis Mariano Ortega Rio

Oleiría: Masakazu Shida

Pode contactar no mail centrocultural@depourense.es ou por teléfono no 988 317895