XOIERÍA E OURIVARÍA

ANTONIO VALVERDE

Xoiería de autor como ornamento persoal e ourivaría.

Como escultor broncista especializado no mundo animal quixen, desde a xoiería de autor, como ornamento persoal, manifestar plásticamente a miña forma de entender a realidade: en xoiería, a través de broches principalmente, colgantes á cera perdida, pulseiras, algún colar e pendentes, e en ourivaría, que tamén forma parte como arte mobiliar, representándoa con pequenos cuncos en prata, latón e cobre, así como polas culleres, ferramenta usada ao longo da historia.

Os materiais máis utilizados son a prata e o latón, fusionándoos, e tecnicamente, a forxa e martillado así como a soldadura. No caso da cera perdida, técnica tan antiga como o home, déronse pátinas en quente con ácidos.

Sobre o ornamento…

O uso de ornamentos persoais é unha práctica intrinsecamente humana e cotiá cun enorme contido simbólico. Á parte de embelecer, sinala un mundo máxico usado por un grupo humano en concreto, é unha linguaxe de pertenza a el, un código. Foi tamén a forma de inicio da actual arte da xoiería.

Neste presente, a pertenza a un grupo cultural en concreto perdeuse, e sinalo á globalización como motivo principal, por iso é polo que quixese, dalgunha maneira, o achegamento a esa época do ser humano que era único no seu “coñecemento silencioso” e sacralización do mundo, o seu “axis mundi”, expresado a través do mundo animal e vexetal.

Espero achegarme un pouco.

A miña formación académica foi a través da bioloxía, a navegación e traballos de campo zoolóxicos, así como xoiería e ilustración (Ourense).

Antonio Valverde.