Organizada pola Deputación de Ourense, Xunta de Galicia e o Xacobeo 2021, conta con máis de 150 obxectos da colección particular de Félix Castro Vicente (Archivo Castro Vicente).

“San Cipriano” de Antioquía, famoso mago antes da súa conversión, é o santo máxico cristián por excelencia, ambivalente, xa que é tanto patrón dos practicantes das artes máxicas como protector contra as mesmas. O seu nome está vinculado a prácticas máxicas e relixiosas en toda Europa, parte de África a Oriente Medio; a máis coñecida, o emprego da Oración de “San Cipriano” para protexerse de feitizos e todo tipo de males.

É famoso ademais no nororeste da península ibérica por atribuírselle o Libro de San Cipriano, cobizado libro máxico que, ademais de converter ao seu posuidor en feiticeiro, podia facelo rico xa que incluía unha lista de tesouros do Reino de Galicia e de Portugal e as instrucións para desencantalos.

Todas estas prácticas  expandíronse ata América, sendo hoxe en día un santo venerado nos cultos afroamericanos, ao tempo que mantén a súa presenza na Igrexa Ortodoxa e na Católica.