GALAXIA-AURIA. 75 ANOS DESPOIS. 1950-2025

EDITORIAL GALAXIA

Editorial Galaxia fundouse en Compostela o 25 de xullo de 1950 e estableceu a súa sede en Vigo pero … , case vinte e cinco anos antes, en Ourense, existira un selo de igual nome. Aquela Galaxia publicoulle a Otero Pedrayo a súa segunda obra, O purgatorio de don Ramiro (1926), e imprentou Muiñada d’estrelas, de Augusto Mª Casas. Fernández Mazas ilustrou ambos os volumes. Asamblea Fundacional.

Ourense ten unha importancia capital na senlleira iniciativa cultural. O día da fundación da editorial, ao saír da misa que en honra de Rosalía e Brañas se oficiou en Bonaval, don Ramón falou en galego e emocionou coas súas propostas para un espertar cultural.

No primeiro Consello editorial, xunto a Manuel Gómez Román (vicepresidente), Antonio Fernández López, Xesús Ferro Couselo (vogais), Xaime Isla Couto (conselleiro delegado), Francisco Fernández del Riego (secretario), Alvaro Gil Varela (presidente do Consello técnico) e Ramón Cabanillas (secredario do Consello técnico), estaban tamén Sebastián Martínez-Risco e Ben-Cho-Shey.