O Centro Cultural Marcos Valcárcel, comprácese en anunciar a inauguración de Galaica, a primeira exposición en Galicia do artista arxentino Diego Beyró. A mostra, que reúne unha selección de pinturas e debuxos, ofrece unha mirada profunda á experiencia do artista nos Camiños de Santiago, cun enfoque especial no seu recente percorrido pola Vía da Prata, que o conduciu a Ourense. Galaica é un reflexo da procura espiritual e artística de Beyró a través dos diversos roteiros xacobeos –o Camiño Francés, o Portugués, o do Norte e a Vía da Prata-. Cada peregrinación influíu na evolución do seu estilo, desde o estudo da luz ata unha exploración máis recente da cor. As obras expostas son interpretacións visuais das paisaxes, as atmosferas e as sensacións vividas nestas viaxes, establecendo un diálogo coas orixes ancestrais do Camiño e a procura de iluminación. Beyró establece un diálogo coas orixes ancestrais do Camiño, trazando un paralelismo coa procura de iluminación que desde fai miles de anos levou aos celtas para conectar coa terra e a natureza, perseguindo o último sol de Fisterra. A exposición conta co apoio do Consulado Xeral da República Arxentina en Vigo e co acompañamento curatorial de Sofía Copado.