Presentación de ArtEspida. Hospital de Piñor

Exposición Al Cubo “AL³”, outra vez…, unha vez máis, coa vocación de facer serie e dotar de consistencia a relación entre as tres institucións participantes: Andar de Nones -Asociación de familias TEAdir-Aragón-, Alpha Cultures, do Hospital de Cadillac-Burdeos, e ArtEspida -Hospital psiquiátrico de Piñor-, da que este ano somos anfitrións. Damos a benvida aos nosos invitados e a cada un dos artistas.

Benvidos a unha exposición onde cada obra mostra o resultado da maneira particular en que cada artista se relaciona con aquilo que máis o conmueve de si mesmo e decide compartir coas persoas que se achegan á sala. Un consentimento que, seguramente, non está desvinculado do espazo compartido nin dos cambios producidos, tanto a nivel subxectivo como na relación co mundo, no acto mesmo da súa creación/invención.

Cada artista, coa súa obra e a súa sinatura, ofrecerá a cada visitante a oportunidade de concederlle o recoñecemento que como artista merece, afastado de calquera diagnóstico e estigma, promovendo así un lazo social alí onde existe risco de illamento e soidade, para que o único que importe sexa o seu carácter de suxeito que pon a circular no social aquilo que el mesmo inventou.

Os espazos compartidos en cada institución son lugares pensados para que cada participante poida: “Estar ben…, estar como é”, como dicía Gracia Viscasillas -TEAdir-Aragón- na presentación da primeira exposición. Espazos que tamén son lugares onde o lazo constituído se entretece de afectos e amizade.

Espazos creativos e de lazo social orientados polo psicoanálise que, por tanto, esperan máis a pincelada singular que aprender a pintar belas formas como resultado dunha educación exitosa dirixida por alguén que “xa sabe”. Déixense levar e disfruten destas obras.

ENTIDADES PARTICIPANTES:

• Andar de Nones: proxecto que facilita a persoas con diversidade psíquica o desenvolvemento de procesos creativos que afloren o seu talento artístico mediante talleres con medios persoais e materiais adecuados. O modelo de taller non é terapéutico, aínda que promove lazo social, benestar e saúde.
• Alpha Cultures: iniciativa artística e humana que sitúa a creación no centro dos coidados a nenos e adolescentes en centros sanitarios, convertendo o arte nun espazo de expresión, encontro e valorización persoal. Inclúe nenos e adolescentes dos hospitais de día “La Isla Verde”, “Podensac” e “La Demi-lune” (Servizo de Psiquiatría do Neno e Adolescente do Centro Hospitalario de Cadillac, Gironde-France).
• ArtEspida: proxecto de libre creación no Hospital de Piñor, Ourense, que estudia os efectos do proceso creativo en persoas con sufrimento psíquico. Orientado polo psicoanálise, ofrece un espazo de intercambio de proxectos, ideas e colaboracións, onde a subxectividade é central, non para curar, senón para comprender e acompañar ao suxeito na súa singularidade e reducir o estigma da etiqueta diagnóstica e social sobre a “salud mental”.

Hospital de Piñor. Anfitrións en abril de 2026.