INAUGURACIÓN UNED OURENSE
curso 06 de novembro de 19:00
Acto inaugural do curso académico 2026-2027 no salón de actos do Centro Cultural. A lección inaugural correrá a cargo do doutor Carlos Briones Llorente, investigador, divulgador científico e escritor.
Doutor en Ciencias Químicas (especialidade en Bioquímica e Bioloxía Molecular) pola Universidade Autónoma de Madrid, é investigador científico do CSIC no Centro de Astrobioloxía (CSIC-INTA, asociado ao NASA Astrobiology Program).
Dirixe un grupo que investiga sobre a orixe e a evolución temperá da vida, así como sobre o desenvolvemento de biosensores para caracterizar os seres vivos ou buscalos fóra da Terra.
A súa traxectoria investigadora foi recoñecida co Premio AlumniUAM 2024 de Ciencia, Tecnoloxía e Ciencias da Saúde, concedido pola Universidade Autónoma de Madrid.