“Trata, a escravitude do S. XXI”

A primeira centrarase en abordar a “Perspectiva legal e xudicial sobre a tráta”. O obxectivo será facer un repaso polo marco legal sobre trata de persoas, as dificultades na persecución dos delitos que rodean a tráta e a condena dos seus responsables, os mecanismos de protección das vítimas nos procedementos xudiciais e a necesidade de abordar reformas lexislativas que permitan loitar contra as mafias dunha forma máis efectiva e áxil, así como con máis garantías para as vítimas.

Neste sentido Félix Durán debaterá no primeiro coloquio con Pilar Manso, fiscal delegada de estranxeiría e trata de seres humanos na Audiencia Provincial de Ourense, Estéban Basalo, xuíz en Consello Xeral do Poder Xudicial e do xulgado de Primeira Instancia e Instrución 1 de Carballiño, Fernando Blanco, letrado do despacho Ferro Avogados e Tamara Méndez Fernández, médico forense.

Despois dun descanso, que terá lugar a media mañá, Félix Durán introducirá a segunda mesa redonda que virará ao redor da “Realidade no terreo: detección, protección e prevención”. Nesta segunda quenda de palabras, os asistentes terán a oportunidade de escoitar as posturas e experiencias de María del Carmen Alonso González, coordinadora do programa ALUMAR de Caritas Ourense, Monchi Sánchez, xornalista da Rexión especializada en sucesos e tribunais e María Alida Iglesias, xefa da Unidade VioXén na Subdelegación do Goberno.

Os temas para abordar nesta segunda mesa redonda pasarán por como se detectan as redes de trata e o seu modus operandi, a experiencia da Garda Civil en operativos contra esta secuela, haberá un achegamento aos testemuños e casos reais desde o activismo e a prensa; así como unha análise entre os relatores enfocado a como mellorar a prevención e sensibilización na sociedade.