MARC AMORÓS GARCÍA: AS “FAKE NEWS” AFECTAN Á SAÚDE INFORMATIVA

 “O fenómeno seguirá existindo e irá en crecemento, porque se revela que é moi efectivo á hora de incidir no pensamento da xente e tamén á hora de reportar ingresos, co cal, ten dous elementos que agora mesmo sexa complicado que alguén renuncie a iso”. Fake news. A verdade das noticias falsas (Plataforma editorial, 2018) é o título do libro no que Amorós dá conta da súa investigación acerca dun fenómeno cada vez máis presente na vida cotiá, ao grao de converterse nun feito “que afecta á nosa saúde informativa: se queremos estar informados de maneira adecuada, debería preocuparnos”. “A consultora Gardner fai informes sobre predicións tecnolóxicas e o deste ano vaticina que en 2022 imos ter a metade da información falsa, co cal a metade das noticias que leremos será mentira. “O termo é novo, non así o fenómeno. Existiron desde que temos uso da palabra, o asunto é que antes quedaba circunscrito a un círculo de amigos, de veciños; agora, as redes sociais converten o fenómeno en algo que ten un alcance antes inimaxinable”. As fake news teñen de mentira o que contan. O problema é que a pesar de emitir sinais de alerta, temas impactan excesivamente, que destacan un aspecto moi polarizado dunha opinión, que difunden unha fotografía moi impactante, “como consegue torpedear as nosas emocións, aí volvémonos máis débiles e acabemos decidindo que aquilo debe ser verdade, aínda que non o sexa”. “Se algo confirma o que xa pensamos é imposible que sexa mentira, entón decidimos crer nesa información e compartímola para lograr a aceptación social do noso círculo de amizades en redes sociais, que á vez nos volve a dar a razón e estamos todos de acordo en darlle veracidade a unha información, porque confirma o noso pensamento previo.