Cinco cordas, seis dedos, unha voz: participación instrumental, modo e texto na épica medieval temperá

O cantante e arpista Benjamin Bagby é cofundador e director do lendario conxunto de música medieval Sequentia. Con este grupo dedicouse á investigación, a interpretación e a gravación de música composta antes de 1300 creando algunhas das reconstrucións máis emblemáticas do movemento de música antiga. Bagby tamén se atopa profundamente comprometido coa presentación en solitario de poesía oral anglosaxoa e xermánica: a súa reconstrución de Beowulf foi aclamada por críticos ao redor do mundo. Ademais de investigar e crear programas de concertos para Sequentia, Ben escribiu sobre a práctica da música medieval e imparte cursos e talleres en toda Europa e América do Norte. Entre 2005 e 2018 ensinou prácticas de interpretación de música medieval na Universidade de París – Sorbona.