CATA A ARTE V
Eventos / Cata a arte 08 ó 29 de novembro
O RIBEIRO E O “MARCOS VALCÁRCEL” XUNTAN VIÑO E CULTURA NA V EDICIÓN DA “CATA A ARTE”
A exitosa iniciativa de maridar viños do ribeiro con exposicións no centro cultural “Marcos Valcárcel” da Deputación e engadirlle ademáis una segunda actividade cultural en directo como música, teatro ou maxia chega á súa quinta edición coa presentación hoxe de “CATA A ARTE”, experiencia nacida dunha maneira experimental e que se consolidou de xeito definitivo, con máis de 600 asistentes na pasada edición.
Catro adegas do ribeiro presentarán os seus viños os xoves 8, 15, 22 e 29 de novembro, ás 20:00 horas, nun ambiente no que ás exposicións de pintura ou fotografía programadas no centro cultural engadiranse os espectáculos do mago Deimi, a música de Diego Nóvoa que presenta o seu novo disco, o teatro de Compañía #2 ou a música de L´Apetite Mort. Os catro espectáculos amenizarán as presentación das adegas Loeda, Nairoa, Celme e Alanís, respectivamente. As catas teñen un carácter solidario, que nesta edición terá como destinataria á Asociación de Fibromialxia, Fatiga Crónica e Sensibilidade química de Ourense.
O presidente da D.O. Ribeiro, Juan Casares, loubou a calidade dos viños producidos na denominacións “que se atopan entre os mellores do mundo” e o feito positivo de xunguir a excepcional calidade deste producto coa cultura.
Rosendo Fernández, Vicepresidente da Deputación, tamén apostou polo riqueza que o viño xenera como sector da provincia de Ourense, ademáis do carácter solidario desta iniciativa.
O director do cento cultural, pola súa banda, agradeceu ao consello regulador do Ribeiro a súa implicación nesta novidosa iniciativa dende o primeiro día ate convertela nun éxito seguro que goza do aprezo e valoración dos numerosos asistentes a cada cata nas edicións xa celebradas.
CATA A ARTE. V EDICIÓN
8 de novembro: Adega Loeda. Catro Parroquias + Mago Deimi
15 de novembro: Adega Nairoa. Alberte + Diego Nóvoa (música)
22 de novembro: Adegas Celme + Compañía #2 Teatro Permanente
29 de novembro: Bodega Alanís + L´Apetite Mort (música)