Carlos Blanco Fadol: O sorriso oculto da música

Con intención de realizar unha actividade que ofreza opcións diferentes ás realizadas habitualmente con relación á música étnica, Carlos Blanco Fadol desenvolverá un programa ameno e moi variado onde abarcará unha serie de puntos:

1) Asi nace un museo da Música: o autor creou tres museos de Música étnica en España: en 1999 no Centro internacional de música da UNESCO en Altea, Alacante, en 2006 en Barranda- Caravaca, Murcia e en 2015 en Busot, Alacante. Blanco Fadol recitará un pensamento do seu libro de aforismos “Reflexiones a beiras do camiño” relacionado coa música étnica universal, e posteriormente realizará unha breve recensión, acompañada de imaxes, de como nace un museo da música, da súa importancia e o seu éxito.

2) Explicación e demostración sonora de instrumentos musicais exóticos na súa maioría descoñecidos polo gran público.

3) O sorriso oculto da música. Mostraranse algunhas imaxes dos 28 capítulos do seu novo libro premiado e presentado na recente Feira do libro de Madrid, e farase unha breve lectura de cinco minutos.

4) Gallego. O novo tema de Blanco Fadol, dedicado á emigración dos seus antepasados galegos, será interpretado polo mesmo autor en directo, coa proxección do vídeo clip de fondo.

5) Participación do público. Mediante un sistema – guía innovador e o emprego de instrumentos especiais, 35 persoas do público interpretarán temas coñecidos, independentemente de se son ou non músicos, acompañados co canto do resto de asistentes.