Ágatha Ruiz de la Prada, Purificación García e Adriana Domínguez
Conferencias / ICC Week 02 de abril ás 20:00
As recoñecidas deseñadoras e empresarias do ámbito textil darán comezo a esta nova edición da semana das industrias culturais e creativas
Este ano a ICCWEEK pon o foco de atención nun segmento, o da moda, punteiro en España, que é o quinto exportador europeo no textil, cunha cifra de negocio que supera os 10 mil millóns de euros. Un sector puxante e tamén estratéxico en Galicia onde a provincia de Ourense sitúase á cabeza das exportacións galegas só por detrás de Inditex, grazas ao Grupo Textil Lonia, que aglutina marcas de renome como Carolina Herrera e Purificación García.
Por unha banda Ágata Ruiz de la Prada, cuxo nome sinónimo de arte – non en van moitas das suas creacións foron expostas en prestixiosos museos de todo o mundo. Por outro lado Purificación García, ourensá de nacemento e un nome destacado dentro da moda española. Por último Adriana Domínguez, á fronte do importante grupo Adolfo Domínguez, cunha exquisita formación e sobrado coñecemento do sector.