Acustiquísimos: Arco

Antonio Arco, coñecido artisticamente como Arco, é un dos referentes da escena do rock andaluz e a fusión flamenca. Tras liderar a banda El Puchero del Hortelano, o granadino inicia en 2016 o seu proxecto en solitario. Tres discos e un libro autobiográfico (‘40 años 40 canciones’) despois, Arco chega a Ourense para presentarnos algúns dos seus grandes éxitos e avanzar temas do seu cuarto e esperado álbum, un traballo repleto de raíz e autenticidade, e do que xa se coñecen temas como ‘Todavía’, ‘La Hoguera’ ou ‘La Luz’.